«президент қарори» тегли мақолалар
1 январдан маданият ташкилотлари ходимларининг иш ҳақи 20 фоизга ошади
Президент қарори билан 1 январдан маданият муассасалари ва ташкилотлари ходимларининг иш ҳақи 20 фоизга, 1 июлдан яна 15 фоизга оширилади.
Давлат мулкини ижарага бериш тартибини бузганлар жаримага тортилади
Энди давлат мулкини ижарага бериш бўйича қонунчиликни бузганлик учун жарима белгиланди. Ижарага бериш шартномасини бузган мансабдор шахслар 3,4 млн сўмгача жарима тўлайди. Ҳолат бир йил ичида яна такрорланса, жарима суммаси 5,1 млн сўмгача ошади.
Экспортни қўллаб-қувватлаш бўйича субсидия ва преференциялар Тарифлар ва савдо бўйича бош битимга мувофиқлаштирилади
Ўзбекистонда экспортни қўллаб-қувватлаш учун давлат бераётган субсидия ва преференциялар Тарифлар ва савдо бўйича бош битим (GATT) ҳамда Субсидиялар ва компенсация чоралари тўғрисидаги битимга (ASCM) мувофиқлаштирилади. Ҳудудларда Тадбиркорларни қўллаб-қувватлаш лойиҳа офислари ташкил этилади.
Савдони ривожлантириш компанияси ташкил этилди ва уни бошқариш функцияси Савдо-саноат палатасига берилди
Президент қарори билан Экспортни рағбатлантириш агентлиги ҳамда Экспортни қўллаб-қувватлаш жамғармаси негизида «Савдони ривожлантириш компанияси» АЖ ташкил этилди. Ундаги ва «Ўзбекэкспертиза»даги давлат улушини бошқариш функцияси Савдо-саноат палатасига берилди.
Наврўз байрамида катта тадбирлар ўтказилади, унгача умумхалқ ҳашарлари бўлиб ўтади
Ўзбекистонда 2024 йилги Наврўз умумхалқ байрамида барча ҳудудларда, хусусан, «Янги Ўзбекистон» мажмуасида алоҳида дастур асосида халқ сайиллари ташкил этилади. Байрам муносабати билан республикада умумхалқ ҳашарлари ўтказилади.
АҚШ ва Германияда «Ўзбекистон IT кунлари» халқаро тадбирлари ўтказилади
2024 йилда АҚШ ва Германияда «Ўзбекистон IT кунлари» халқаро тадбирлари ўтказилади. Шунингдек, Германия ва Саудия Арабистонида асосий фаолияти маҳаллий корхоналар учун IT хизматлар бўйича буюртмаларни жалб қилишга қаратилган IT парк ваколатхонаси (филиали) фаолияти йўлга қўйилади.
Хусусий мактаблар ташкил этишда имтиёзлар берилади
Ўзбекистонда 2025 йилдан янги қурилган хусусий мактаб биноларида 5 йил давомида коммунал харажатларининг 50 фоизи қопланади. Мактаб биноларини қуриш билан боғлиқ бўлган харажатларнинг фойда солиғини ҳисоблашда 2 йил давомида тенг улушларда чегириб ташлаш ҳуқуқи берилади.
«Ёшлар учун минг китоб» лойиҳаси доирасида дунёда машҳур бўлган 1000 та китоб ўзбек тилига таржима қилинади
Ўзбекистонда «Ёшлар учун минг китоб» лойиҳасини амалга оширилиб, унинг доирасида жаҳонда машҳур 1000 та китоб ўзбек тилига таржима қилинади. Экспертлар кенгаши ҳар йили китобларнинг дастлабки рўйхатини шакллантиради, аҳоли бу рўйхатдан овоз бериш йўли орқали якуний рўйхатни шакллантириб беради.
Портлаш хавфи юқори кимёвий моддаларни сақлаш талабларини энди ФВВ назорат қилади
Президент қарори билан Фавқулодда вазиятлар вазирлигига портлаш хавфи юқори кимёвий моддаларни сақлаш талабларини назорат қилиш вазифаси юкланди.
Оториноларингология илмий-амалий тиббиёт маркази ташкил этилади
1 сентябрдан юридик шахс мақомига эга бўлган Республика ихтисослаштирилган оториноларингология ва бош-бўйин касалликлари илмий-амалий тиббиёт маркази ташкил қилинади. 2024/2025 ўқув йилидан марказда оториноларингология ихтисослиги бўйича кадрларни клиник ординатура орқали тайёрлаш ташкил қилинади.
Саноат зонаси, гастрономик кўча, хиёбонлар. Чилонзорда режалаштирилган лойиҳалар
Президент Тошкент шаҳрининг Чилонзор туманида 320 гектар майдонда кичик саноат зонаси ташкил этиш, «Бўрижар» канали қирғоқларини ободонлаштириш ва у бўйлаб гастрономик кўча ҳамда хиёбон қуриш, шунингдек, трансформаторларни ўрнатиш каби қатор лойиҳаларни тасдиқлади.
9 май куни Тошкентда мушакбозлик ўтказилади
9 май оқшомида Тошкентдаги «Янги Ўзбекистон» истироҳат боғи ҳудудида Хотира ва қадрлаш кунига бағишланган байрамона мушакбозлик ташкил этилади.
Таълимни ривожлантириш республика илмий-методик маркази ташкил этилди
Президент қарори билан Таълимни ривожлантириш республика илмий-методик маркази ташкил этилди. Марказ ишлаб чиққан ва тасдиқлаган таълим стандартлари, ўқув режалари ва дастурларига қўйиладиган талаблар боғча, мактаб ва мактабдан ташқари таълим ташкилотлари ҳамда ўқув курслари учун мажбурий бўлади.
Дала четларини ўзлаштириш ва уларда маҳсулотлар етиштириш тизими ривожлантирилади
Қишлоқ хўжалигида хизматлар кўрсатиш агентлигига дала четларини ўзлаштириш, уларда маҳсулотлар етиштириш ва етиштирилган маҳсулотларнинг ишончли харидини ташкил қилиш вазифаси юклатилди. Фермерларга зовур сувларида ўрдак боқиш ва асалари уяси ташкил қилиш учун имтиёзли кредитлар ажратилади.
Олимпия ва Паралимпия ўйинлари совриндорлари тиббий хизматдан умрбод бепул фойдаланиши мумкин
Эндиликда Олимпия ва Паралимпия ўйинлари совриндорлари тиббий хизматдан умрбод бепул фойдаланади. 1 июлдан Спорт вазирлигида 2 млн 940 минг сўмлик стипендия жорий қилинади. Уни оладиганларга ўзини ўзи банд қилиш ҳуқуқи берилади. Қолаверса, спортчиларга бериладиган мукофот пуллари ҳам тасдиқланди.
Макроиқтисодий ва ҳудудий тадқиқотлар институти ҳамда Бизнес ва тадбиркорлик олий мактаби ташкил этилади
Президент фармони билан Прогнозлаштириш ва макроиқтисодий тадқиқотлар институти негизида Макроиқтисодий ва ҳудудий тадқиқотлар институти ҳамда Вазирлар Маҳкамаси ҳузуридаги Бизнес ва тадбиркорлик олий мактаби ташкил этилади.
Ўзбекистонда сув тежайдиган технологияларни жорий қилганлар қўллаб-қувватланади
Президент қарори билан қишлоқ хўжалиги маҳсулотларини етиштиришда сувни тежайдиган технологияларни жорий этишни қўллаб-қувватлаш тартиби белгиланади. Шунингдек, Касби туманида сув кириш нуқталари бошқарувини рақамлаштириш ва фойдаланувчиларга сув етказиб бериш бўйича синов лойиҳаси амалга оширилади.
Бўка ва Оҳангарондаги манзил-колонияларда пилла етиштирилади
Президент қарорига кўра, 2023 йил баҳоридан тажриба тариқасида Бўка ва Оҳангарон туманларидаги манзил-колонияларда пилла етиштириш амалиёти йўлга қўйилади.
Ўзбекистонда янги кўп қаватли уйлар томларининг камида 50 фоизи қуёш панеллари билан қопланади
Ўзбекистонда янги кўп қаватли уйлар томларининг бўш қисмининг камида 50 фоизига қуёш батареяларини ўрнатиш талаби жорий этилди. Бу ҳақда президент қарор қабул қилди.
Ҳунармандчилик ва касаначиликни кенгайтириш учун ажратиладиган кредитлар миқдори оширилади
Президент қарори билан ҳунармандчилик ва касаначиликни кенгайтиришга йўналтирилган лойиҳалари учун ҳоким ёрдамчиларининг тавсияномаси асосида ажратиладиган кредитлар миқдори амалдаги 225 миллион сўмдан 300 миллион сўмгача оширилади.
Энг кўп ўқилган хабарлар | Сўнгги янгиликлар
- Тошкентда 17 нафар фуқаро ноқонуний диний ташкилот тузишда гумонланиб қўлга олинди
- Қурилиш вазирлиги «халқ томонидан тан олиниб келинаётган» УЖМШлар ишига аралашганлик учун жавобгарлик билан таҳдид қилди
- Ўзбекистонда метан заправкаларга газ етказиб бериш вақтинча чекланди
- Зеленский АҚШ билан фойдали қазилмалар бўйича шартнома имзолашдан бош тортди — WP
- Пенсияни автоматик — аризасиз тайинлаш режалаштирилмоқда
Қўшимча имкониятлардан фойдаланиш учун сайтда рўйхатдан ўтинг